CLICK HERE FOR BLOGGER TEMPLATES AND MYSPACE LAYOUTS »
Hello Glitter Graphics

الأربعاء، 26 مايو 2010

بسم الله الرحمن الرحيم
                                         الحب
تلك الكلمه البسيطه فى الحروف الكثيره فى المعانى والمشاعر والاحاسيس
تلك الكلمه التى ان صدقت بقت وان كانت صعب راحيلها مغيره محيره لكل الاجناس
الحب انواع ومفاهيم فهناك حب الاخرين حب الدين حب الوطن حب الاهل حتى حب النفس
فالحبيب يشعر بانه ولد من جديد يشعر بقلب جديد ينفرد باجمل المعانى والانغام والاحاسيس
وكذلك للحب طرق وسبل تؤدى اليه فهناك حب الجار حب الدراسه حب العمل حتى خلق حب جديد ملموس
هو حب النت فهناك من يقول لا وهناك من يقول نعم وهناك من يقول قدر وهناك من يقول ويعتمد كلا على حسب الناس
ونظرتهم وتجاربهم فهناك تجارب ناجحه وغيرها فاشل  لذاك الامر ولكن قبل ان نتكلم نريد ان نعلم رايكم وسوف نرد عليكم بكل ما كتب ونشر فى هذا الامر

مستنين رايكم اكيد هايكون مهم لنجاح بيتنا وارائه وافكاره ياله نكون بيتنا احنا بنفسنا يمكن ننجح فى توصيل راينا


10 التعليقات:

زهــــراء يقول...

ايهاب
-*-*-*
الف مبروك افتتاح المدونه وربنا يجعل وشها خير علينا كلنا

الحب اجمل مشاعر فى الدنيا كلها بس لو كان حب بجد مش مجرد مشاعر على ما تفرج
الحب عن طريق النت بصراحه مش مقتنعه به لاسباب كتير اوى اوى اهمها ان الكدب انتشر فى هذا الزمن يعنى الناس بتكدب على بعضها وهما امام بعض فمابالك لو فى شاشه كل واحد بيتكلم من خلفها وعارف بقى نظام انا لا اكذب ولكنى اتجمل يعنى مين اللى قال انى اللى بيتكلم على النت ده صادق مش بيكدب الكدب موضة هذه الايام واصبح هو العمله السائده هذه الايام
حصلت امامى تجارب على النت منها اللى كمل ومنها اللى فشل ومنها اللى طلع كذب فى كذب
بصراحه انا مع اى طريقه تجمع بين الفتاه والشاب فى الحلال سواء عن طريق الخاطبه او النت او الشارع او الاقارب اى طريقه المهم يكون الغرض حلال
كلنا عارفين اول حديث فى صحيح البخارى انما الاعمال بالنيات ..........

فى انتظار باقى الاراء

ليله شتاء يقول...

السلام عليكم
****
أيهاب

ألف مبروك أفتتاح بيتنا أن شاء الله نقدر من خلالها نقول حاجة أو نعمل حاجة ولو بسيطة في نفوسنا

******
بداية قوية جدااا جدااا وموضوع مهم أوى
ممكن رأيى يكون بسؤال تانى هل ممكن يوصل أحساس من خلال حروف أليكترونية؟

أكيد في تجارب ناجحة وتجارب لم تنجح هو نصيب وقدر ولكن أعتفد أن الاغلبية بيكونوا تحت شعار أنا لا أكذب ولكني أتجمل

******
الفيديو جميل جداا وحلو أوى أننا نرجع لرأي الدين في كل أمور حياتنا

****
متشوقة جداا أني أعرف كتير من الاراء

دام قلمك

بنت وولد يقول...

مبروك المدونه الجديده و يارب يبقى وشها حلو على عالم التدوين كله

بالنسبه لموضوع حب النت فانا شوفت حالات منه كملت و توجت بالزواج و الحمد لله عايشين سعداء و مبسوطين
و فيه حالات انتهت بفضايح و كوارث

الموضوع كله بيتوقف على الطرفين و مدى تفهمهم لبعض
لان النت بيبقى الاشخاص فيه مجهولين و بيبدأوا كل واحد يظهر للتانى اجمل ما فيه و لو بالكذب
لكن لو الطرفين عندهم امانه و داخلين فى العلاقه بضمير صاحى و قلب خايف على الطرف التانى
يبقى اكيد الامور حتبقى احلى

و فى الاخر كل حاجه قسمه و نصيب

bentelghrob يقول...

الف مبروك افتتاح المدونه الجديده
دمت مبدعا
تحياتى

دعاء الكروان يقول...

مبروك على المدونه الجديده حلو اننا تلاقى مجال نتكلم فيه بحريه ونستفيد فيه من تجارب الاخرين ونقرء فيه وجهات نظر بعض .بالنسبه للحب والجواز على النت انا شايفه انه موضوع جديد علينا بس لو فكرنا فيه شويه هنلاقى ان النت مجرد وسيله تعارف زى نقطه فى اول السطر بعد كدا الموضوع بياخد شكل اكثر واقعيه لو الاتنين فعلا واخدين الموضوع جد ولو ارتاحو فعلا لبعض بس الصراحه والصدق اهم عنصرين لازم نتلزم بيهم لو بنتكلم بنيه الارتباط فعلا ده بالنسبه للجواز من النت ام بالنسبه للحب من النت مش عارفه بجد هو ينفع ان حد يحب حد مشفهوش قبل كدا هو اكيد الموضوع مش بيبقى حب بمعنى الكلمه هو اكيد اعجاب اهتمام انجذاب تقارب فى الافكار ووجهات النظر بس الحب عشان يكمل لازم يبقى فيه مواقف مشتركه واحتكاك وخبرات حياتيه مشتركه النت لوحده مش هيبقى كفايه عشان يعكس الحاجات دى النت لوحده مش كفايه عشان تحكم على الانسان الى قدامك هو الى انت بتحلم بيه ولا لا باحلامه بكلامه بافكاره برودودافعاله بمعاملته لناس بطريقته فى حل المشاكل ومواجهه الموقف الصعبه اذن نرجع تانى لنقطه البدايه وهى ان النت مجرد وسيله للتعارف وبس زى اى اتنين ممكن يتعرفو فى اى مكان فى الشغل فى الدراسه فى مناسبه عائليه لكن مينفعش نعتمد على النت لوحده وفى النهايه اسأل الله التوفيق للجميع

الزهرة البرية (Joudy) يقول...

الف ألف مبروووووووووك على المدونة جديدة وإن شا الله تكون فاتحة خير

اما بقى الموضوع فهو كبير الحب ملوش وصف أو معنى محدد الحب له أكتر من معنى بيختلف من شخص لشخص

وعن حب النت أقدر أقول ناجح وفاشل فى وقت واحد مش كل الحالات صدق وكمان مش كلها كذب بس علشان تقدر تحدد ده من ده حاجة مش سهلة محتاجه حد عنده حنكة وقدرة على تقدير الأمور

تمنياتى لكم جميعا بالتوفيق إن شاء الله

دمت بكل الخير والسعادة

مرايتى يقول...

أولا ألف ألف مبروك

وإن شاء الله تبقى بداية خير لينا أولا للمسلمين إن شاء الله
وإن شاء الله نحتسبها صدقه جاريه لينا إنها تنفعنا وتنفع كل إلى يزورنا
نفيد ونستفيد

ربنا يبارك يا إيهاب ويا كل الى مشارك فى بيتنا

أما عن الحب فاالموضوع كبير جدا
الحب ركن أساسى فى حياتنا علشان نعيش مش بس الحب بين حبيبن لا حب كل حاجه حولينا
أما عن حب النت مش عارفه بيتهيالى ما ينفعش نسميه حب لأن الحب مش بس تبادل كلمات من ورا شاشات وكتير ما بيقولش الحقيقه الحب إحساس بالطرف الأخر واختيار على أساس وللأسف الشرط ده مش بيتوفر فى النت
مع برضه التنويه إن فى حالات نجحت فى ده

بالتوفيق يا شباب

Heba Gamal Emara يقول...

جميييييييييييييييييييييييييييييييييييييييييييييييييييييييييييييييييييييييييييييييييييييييييييييييييييلة جدا


كتبت بأحساس عالى وبذوق راقى تعجز كلماتى عن وصفة

دمت مبدعا

أبو فارس يقول...

مبروك البيت الجديد
عقبال التمليك يارب
بس للاسف مقدرش ادخلة لان به فديو
عندي مشاكل بالفديو ولاغاني
انا دخلت هنا بمعناه شديده
اتمنا لك التوفيق

Unknown يقول...

السلام عليكم

أختي الكريمة ليلة شتاء
أهديك هذا التاج، فأرجو أن تشاركينا، هذا هو الرابط:
http://jarih-algalb.blogspot.com/
تحية أخوية.