CLICK HERE FOR BLOGGER TEMPLATES AND MYSPACE LAYOUTS »

الأحد، 8 أغسطس 2010

بيتنا فى رمضان ...

بيتنــــــــــــا فى رمضـــــــــان

احبتى فى الله ما هى غير ايام قليله

ويهل علينا افضل شهور العام

كل ثانيه ونحن جميعا بخير

ياترى بيتنا فى رمضان شكله بيكون ايه ؟؟

لا اقصد مدونة بيتنا التى ننتمى لها

لكنى اقصد بيتنا بجد ...

فاكرين زمان لمة العيله فى رمضان

فاكرين الخال والعم والجد والجده

فاكرين العمه اللى كانت تحضن وتطبطب

فاكرين الخاله اللى كانت بتعمل احلى كنافه فى الدنيا

ياترى لمة العيله لسه موجوده زى زمان

او كل حاجه اتغيرت زى اى حاجه

يا ترى طعم رمضان فى بيتنا دلوقتى زى زمان

حتى شكل الفانوس اتغير .. بقى صينى

فين الفانوس اللى فيه شمعه

دلوقتى بقى عباره عن لعبه صينى وفيها

اسطوانه بتغنى اغنيه من اغانى رمضان

البلح اللى كان مظهر من مظاهر رمضان

دلوقتى بقى مية نوع ومش هاتكلم على الاسعار

ايه اللى حصل فى بيتنا خلى شكل رمضان يتغير كده

هو كل لما نكبر شويه طعم كل حاجه بيتغير

او يمكن ايقاع الحياه بقى سريع اوى

على العموم مهما كان شكل بيتنا فى رمضان

لازم نقول كل سنه ونحن الى الله اقرب

18 التعليقات:

LOLOCAT يقول...

السلام عليكم ورحمة الله

كل سنة وانت وكل المسلمين من الله اقرب وتقبل الله منا ومنك حبيبتى صالح الاعمال

فين الفانوس اللى فيه شمعه

احب شكله كتير واشعر انه هو الفانوس الاصلى وكل الموجود الان مجرد لعبة

كل سنة وانت طيبة حبيبتى بارك الله فيك
لك منى كل الحب والتقدير

زهــــراء يقول...

LOLOCAT
-*-*-*-*

لولو
وعليكم السلام ورحمة الله وبركاته

كل لحظه وانتى بخير وسعاده
ربنا يتقبل منا جميعا صالح الاعمال ويبلغنا رمضان ونحن فى افضل حال ...

انتى عارفه انى من عشاااااااااق الفانوس اللى بشمعه تحفه وشكله كده تحسى فيه برمضان بجد فعلا كل اللى موجود دلوقتى عباره عن لعبه

كل لحظه وانتى الى الله اقرب

wa7ed w5las يقول...

السلام عليكم ..
اول زيارة مني للمدونة والحمد لله انها جات واحنا داخلين علي رمضان علشان اقول كل سنة وانتي وكل المسلمين طيبين ..
اما بالنسبة بقي لبيتنا في رمضان
هو فعلا مبقاش زي زمان بس يمكن اكتر حاجة قادرين نحافظ عليها هي لمة العيلة
ودي من اكتر الحاجات اللي بتبسط الواحد اوي ومن غيرها مش بحس برمضان ...
اما الفوانيس فدي اللي فعلا مبقاش ليها اي طعم لكن انا الحمد لله محتفظ بفانوس من ابو شمعة بقالو ييجي 15 سنة بعلب بيه بس في الخباثة كده
وبحب اشوف الفانوس ده كتير لانه بيفكرني بوالدي الله يرحمه ...

اسف لو اطلت وتقبلي مروري .

همسات يقول...

وانت بالف صحة وعافية حببتى وجميع المسلمين

Ramy يقول...

زهراء

كل سنة و انتِ طيبة و بخير و سلام

موضوع جميل لسه كنت بقول هو رمضان اللى اتغير

بس لقيت لأ احنا اللى اتغيرنا

الناس مبقتش بنفس الدفى بتاع زمان

مش زى حنية و حب زمان

ربنا يرجعنا زى زمان

قولى يارب

رمضان كرييييم

(:

زهــــراء يقول...

wa7ed w5las

-*-*-*-*-*

وعليكم السلام ورحمة الله وبركاته

اولا لفت نظرى اسمك واحد وخلاص

ثانيا شرفت المدونه بجد وفى انتظارك على الدواااااااااااام ان شاء الله

ثالثا كل ثانيه وانت بخير وسعاده وهنا

كل بيوتنا مش بقيت زى زمان فى حجاه او حاجات اتغيرت حتى احنا كمان اتغيرنا

اكتر حاجه حلوه فى رمضان هو لمة العيله واننا بنقدر فعلا نعزم اسرتنا واهلنا عشان نحس معاهم بروح رمضان
جميل اوى انك محتفظ بالفانوس وانا كمان عندى واحد متحفظه به وبيفكرنى بوالدى الله يرحمه برضه

انت مش طولت ولا اى حاجه وفى انتظارك على الدوااااااااام

كل لحظه وانت بخير وسعاده

زهــــراء يقول...

همسات
-*-*

كل لحظه وانتى بهنا وخير

شرفتى ونورتى

زهــــراء يقول...

Ramy

-*-*-

رامــــــــــى

بجد انت كلك ذوق
كل ثانيه وانت بالصحه والخير


الموضوع مش رمضان اللى اتغير لكن كل حاجه اتغيرت هى جت على رمضان يا رامى


انت عاوز نرجع زى زمان
قول للزمان ارجع يا زمان

شرفت ونورت يا رامى

lina يقول...

السلام عليكم و رحمة الله و بركاته

رمضان مبارك ..تقبل الله صيامكم و قيامكم

لينا.

أبو حسام الدين يقول...

رمضان كريم للجميع، تقبل الله منا صالح الأعمال

P A S H A يقول...

كل سنة وحضرتك طيبة وبألف خير وصحة وسلامة إن شاء الله

:)

رمضان كريم

۩

زهــــراء يقول...

lina
-*-*-*

ليــــــــــــنا

وعليكم السلام ورحمة الله وبركاته

كل لحظه وانتى بخير ووربنا يتقبل منا جميعا كل الاعمال الصالحه

زهــــراء يقول...

أبو حسام الدين

-*-*-*-*-*

ربنا يتقبل منا جميعا كل الاعمال الصالحه ويغفر لنا ويرحمنا

زهــــراء يقول...

P A S H A

-*-*-*-*

بـــاشــــا


كل سنه وانت طيب
والفانوس شكله حلو اوى اوى
نورت

انت تسال والكمبيوتر يجيب يقول...

سعدنا بالمرور ولذلك نوجه لك هذه الدعوه





نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

اقصوصه يقول...

رمضان كريم

وكل عام وانتم بخير :)

ولا بالاحلام يقول...

السلام عليكم ورحمه الله وبركاته
جزاك الله كل خير اختى فى الله
دى اول زياره ليا لمدونتك واعجبتنى جدا وموضوعك ايضا اعجبنى لانه بيتكلم عن مشكله احنا عايشنها فعلا فى رمضان وفى غيره كمان ، مش بس الفانوس ابو شمعه اللى انقرض ده الخير كله انقرض والله لما بشوف كده بقول ياترى بكره ايه اللى هينقرض ولا يسوء تانى الله المستعان
اختك فى الله ابتسام محمد

كلمات من نور يقول...

عيد سعيد وكل عام وكل أمتنا بخير